神之蕃茄湯減肥法
一位從來不用減肥的朋友傳來一份醫院秘方，只喝蕃茄湯，聲稱1星期可以減10-17磅。就這樣，7日6夜嘅減肥旅程開始喇！
事源... 是咁的，本人十九幾歲嘅時侯，曾經100零幾磅，經過三年大學艱苦學習，增重10kg，再經過十年勞碌工作，再增重約5kg。本人年屆三十，決定一年內回到最初的起點，減30磅。新年的時候更大拿拿攞出 $100 俾班Friend輸賭，一要到減到。
試過狂做運動，可惜骨骼精奇，冇減磅之餘仲大隻咗。又試過一段長時間食素，但營養吸收得太好，繼續圓 look look。亦有試過近年新興的戒 Carbs 唔食粥粉麵飯，係輕咗4磅但之後就立即「平台期」。好友見狀出手，收到呢份餐單都係諗住姑且試吓啦，點知係咁多個方法之下最 Work 的一個。。。
我暫且稱這個湯為「神之蕃茄湯」，味道酸酸地辣辣地其實幾好味，飲咗7日都唔悶，所以要減呢個肥，首先你要鍾意蕃茄味！而且要完成呢個計劃，首先你要將自已困喺屋企7日6夜不見天日。稍為有啲定力人士可考慮出街見朋友。我就80%時候都喺屋企 or 屋企附近。各位加油！
將所有材料切粒，大火煲滾15分鐘，再轉細火煲30分鐘，等所有雜菜都軟稔稔，吃蕃茄湯前放咖哩粉等配料，再煲10分鐘。這湯肚餓時任意進食。因這湯超低卡路里，越吃會越瘦。
每日餐單
Day 1：全生果餐，除香蕉以外（我覺得榴槤芒果都唔得），甚麼生果都可以吃(蜜瓜西瓜最少卡路里)。還可以飲不含糖的茶，紅莓汁和水。
Day 2：全蔬菜，生吃或熟吃。嘗試吃綠色菜，不可吃粟米或豆類，與蕃茄湯同吃。晚餐還可以吃一個牛油焗薯仔，但不可吃生果。
Day 3：混合 Day 1 + 2，全日可吃蕃茄湯，生果，蔬菜。只是這天不可吃焗薯仔(如你照跟上述餐單進食沒有偷雞，你應該已瘦7磅)。
Day 4：吃香蕉和脫脂牛奶，全日最多吃8隻香蕉。還可以吃蕃茄湯。(這天你的身體需要 Potassium 和 Carbohydrates 和 Proteins 和鈣等來補充，香蕉和脫脂牛奶含以上營養)
Day 5：吃牛肉和蕃茄，吃10-12安士牛肉，6個新鮮蕃茄，飲6-8杯水，最少吃1餐蕃茄湯。
Day 6：吃牛肉和蔬菜，可以吃3塊牛扒和綠色蔬菜。只是不可吃薯仔，最少吃1餐蕃茄湯。
Day 7：紅米，無糖菜汁或果汁，盡情飲。必需最少吃1餐蕃茄湯。
7日後必可見效，減除10-17磅，精神百倍。
之後不可吃：麵包，汽水，油炸食物
但可吃：不含糖的茶，水，咖啡，山楂汁，脫脂牛奶
這蕃茄湯會消除肥膏，不傷身體。
減肥餐聲稱由XX醫院提供
----
以下是每一天的心路歷程和小貼士：
早上磅數：142磅
真正食咗啲乜？
早：西瓜
午：橙，神之蕃茄湯
晚：蘋果，神之蕃茄湯
運動：跑步30分鐘
第一日基本上冇難度，首先個神之蕃茄湯真係好好飲，好似茶餐廳嘅紅湯，加上平時自己都好鍾意食生果，所以非常 Easy 就渡過咗第一日！
----
早上磅數：140磅 (輕咗2磅)
真正食咗啲乜？
早：神之蕃茄湯
午：西蘭花1個，少少神之蕃茄湯
晚：焗薯，少少神之蕃茄湯
運動：跳繩1000下
今日就有啲難捱，因為本來就唔係太鍾意食菜，仲要係白烚西蘭花，又悶又肚餓，下晝出咗街更加唔知食乜好，唯有捱肚餓返屋企焗薯仔。但一食完個薯仔真係迴光返照，精神到不得了，跳繩竟然跳到1000下（我平時都係跳500下）。
----
早上磅數：138磅 (輕咗4磅lu~~)
真正食咗啲乜？
早：神之蕃茄湯
午：蘋果1個
晚：西蘭花1個
宵夜：哈蜜瓜幾片
運動：游水1小時
今日其實食物同埋份量都冇乜問題，但時間安排得唔係咁好，晏晝有啲胃痛，午餐同晚餐相隔太長，中間又冇飲蕃茄湯（有飲水），應該要 Plan 得好啲！
----
早上磅數：137磅 (今日只跌1磅！累計輕咗5磅)
真正食咗啲乜？
全日1碗神之蕃茄湯 + 4隻蕉
運動：冇
本身自己係唔飲牛奶，所以諗住食芝士代替，但最後竟然唔肚餓而且唔記得有芝士！同埋冇可能食到8隻蕉啦，我人生都係第一次一日食四隻蕉咋！
----
早上磅數：136磅 (今日又係只跌1磅！總共輕咗6磅)
真正食咗啲乜？
早：神之蕃茄湯 + 牛肉片
午：雞翼4隻
晚：神之蕃茄湯 + 牛肉片
運動：冇
其實我唔知12安士牛肉即係有幾多，但出於懶惰喺超級市場買咗包打邊爐牛肉返屋企用神之蕃茄湯底烚嚟食，真係好好味，以後打邊爐我強烈推介呢個湯底。仲有第5日我終於出門口見吓朋友，點知去到餐廳先發現冇蕃茄冇牛肉，偷偷地食咗幾隻雞翼，冇跟足餐單2日。聽日磅數應該冇乜期望！
----
早上磅數：135磅 (好彩今日都係跌1磅！共輕咗7磅)
真正食咗啲乜？
早：蕃茄焗露荀
午：煎牛扒2件
晚：神之蕃茄湯
運動：冇
曾經食齋一年所以連續食幾日蔬果冇難度，反而一食返肉就好快飽，都食唔晒3塊牛扒，而且覺得好難消化。
----
早上磅數：135磅 (冇升跌！都係總共輕咗7磅)
真正食咗啲乜？
早：哈蜜瓜
午：神之蕃茄湯，西瓜幾片茶：蘋果1個
晚：紅藜麥露荀粥，神之蕃茄湯
運動：跑步20分鐘
由於餐單上的紅米會令我胃痛，而剛好家裡有紅藜麥所以就食紅藜麥啦！而我真係喺市面上搵唔到無糖菜汁或果汁所以用食生果代替。原來，話咁快就過咗7日！
----
結果：7日瘦咗7磅
祝大家一起減肥成功！
----
Please Like 香港獨居女生:
沒有留言:
張貼留言